SASWAR MANSEREN

💗SASWAR MANSEREN IMANANA IBA 

 FARO KAWASA SUP MANGGUN SASAR 

 AU MONDA MAMI AU BE KADAWU 

 MANYA INE MADA YAKRANDUMKE ...

MAMBIN YAINE YAKON YAMANDER

YAMANDER MURA BESAUW KORERI 

 SUP MANSEREN💗 FYASOS KWAR FA BEWAFKO...

 MANYAINEMADA YAKRANDUMKE 🙏

ROMARANDAN YENA

 ROMANRANDAN  YENA RO ANEFN YENA 

 YAKONI YAMASEN AUW MONDA 

 SYE MANSEREN💗 WASWAR MANYAINE 

FAFISU MARISEN YABEFNDER MANSEREN 💗

YAMBRAN YASO MARISEN DUNIA 

YASAPI ROFADU SASAR 

Reef 

                       

                    SYE MANSEREN NANGGI WASIBER MA RWOR AYA 

                    FARKINYA SYE MANSEREN BERUM  BESREN YEDI 

        

😊

Y O R B O

 YENDISARE SUP SASAR 

YAKON YAMAMBE KORERI 

SAUW BEBRIN IBRIN KAKU 

SAUW BEBRIN SAUW BEBRIN KAKU 

YENDISARE SUP SASAR RISEN NAMUN WAI MOS YEDI 

Reef 

                

                YOR...BO YAKRABE SAUW KORERI ...

                YEK...WAI MOS YEDI BEMANJAUW O...BA 

                ISOF IFRUR FA YAKRANDE BA 

YESUS IMNIS KAKU

 YESUS IMNIS KAKU SNON BERANDA  BERASWAN 

  BEMUN IN SYARA SIBOR    KAKU 

   DUN SIRANDE RO RUM INDO IKIF ISIFA

    DANBA SYA  BYESIFA SBRAK BESE 

    INBEFORN SINEMA SISO IN MAMPIREBIS 

     IMBARKOF INBEKWAN USBENAR 

     INBEYUN BEPYAS MANDIRA WAWMNIS MA  WOMBON 

      DANSIBA RA DASIBABERI 

       INBEFOR SINEMA SISARBER MONDA BEKO 

        BAPE NA KOWASYA RO REFO  🙏

        MASEUS FASAR SAMSUR RISURU SESR RI M

        RAS ANYA YESUS   NA BYE HAKIM 

        

Reef

                SYE YABESYE SYE YABESYE ...O

                NARI RASYA YAKSUN RANDUM RO NANGGI

                MOB ANYA KANSO MA  MARMAR OBA 

                ISOF KORERI MUN  BE YAWOW YA 🙏😊😇

KANKENEM SNONGGAKU

 KANKENEM SNONGGAKU KO INE 

 IMNIS AIBON  PAMPEN RO FYOR ORI WAI BE WAMBAREK 

 NAFNUR SANESORA 

    

    Reef

                    SUBA JOUW SUBA BE MANSEREN 

                   BENA SAWARWAR BEMANANA IBA 

                    YAMARISEN YASO AU MANSEREN 

                    BESUN DO SAUW KORERI 

                    

WAY KENEM YEDINE

 WAI KENEM YEDINE ...IYARA

 DAYUNO -DAYUNO ...

 IBURO KANDERA SASARNA 

 DAYUN BE SAUW KORERI 

    

Reef   

                            AYARA-IYARA ...IYARA 

                            KORERI SUP IWA... 

                            YAMANDER PAYAMYUM BENAMA 

                             BAPE DA YAKSUN RONAKE 

RO YENDISARE

 YENDISARE DUNIA SUP SASAR INE 

  YAKON YAMAM BEDIWA MA DINE 

   REWUI BEDOIFES YABUK ISWAR MURARO 

    SAU KORE SAU BEBARANDINO 

WARAMAKADA  AU MANSEREN AYEDI 

 BEJURUMUDI RO WAI AYEDI 

 INSA YAKFYAFER RONANGGI  AYENANO 

  NARI YAKSUN RO SAUW KORERI KE 

SYE MANYAINENO MAN SYOWI AYAINENO 

 NARI YAKSUN RO SAUW KORERI KE 

SYE BIN YAINENO  BIN SYOWI AYAINENO 

NARI YAKSUN RO SAUW KORERI KE

WAIMOS AYEDI IFNAI KERO YARAWO 

NARI YAKSUN RO SAUKORERIKE

INSA YAKFYAFER RONANGGI AYENANO

YAKSUN RANDUM RO SAU KORERIKE 

Reef   

                     

                MANSEREN WAFARAWAY  KANKEM YEDI 

               INSA YAKFYAFER RONANGGI AYENANO 

                SAUW KORERI SAUW BEBARANDINO